كريم فهمى يشيد بفريق عمل مسرحية أنستونا

شارك الفنان كريم فهمى صور تجمعه مع فريق عمل مسرحية "أنستونا" على حسابه الشخصى على موقع "إنستجرام" مشيدا بفريق العمل، وعلق على الصور قائلا "قبل ما اتفرج على المسرحية كنت ناوى كده كده أنزل صورة استورى كمجاملة لصديقتى دنيا وصديقى محمد أحمد السبكى لكن الحقيقة العمل من كتر ما عجبنى فبقيت متحمس إن كل الناس تشوفه وتتبسط زى ما أنا مبسوط النهاردة فقلت ده محتاج بوست ومش مجاملة نهائى". وأضاف فهمي "مبروك لكل صناع العمل مبروك يا دنيا يا موهوبة أوى أوى، مبروك يا توتا ( محمد احمد السبكي ) المنتج الجامد الجريئ، مبروك للأستاذ خالد جلال مخرج العمل المايسترو الحقيقى، مبروك لكل أصدقائي نجوم هذا العمل، بيومي فؤاد ، كريم عفيفي ، عمرو عبد العريز ، بسنت صيام ، صلاح الدالي والأستاذ سامي مغاوري ، المؤلفين الجامدين اوي اوي اوي وضحكوني كمؤلفين وممثلين، ده غير الأغاني روحوا اتفرجوا هتتبسطوا اوي ". مسرحية "أنستونا" التجربة الأولى لدنيا سمير غانم على خشبة المسرح، وهى تأليف كريم سامى وأحمد عبد الوهاب، وإخراج خالد جلال، ويشارك في البطولة بجانب دينا سمير غانم كل من، بيومي فؤاد، كريم عفيفي، سامي مغاوري، عمرو عبد العزيز، مريم السكري، بسنت صيام، محمد سراج.