"كام شير" يتصدر ترند تويتر وسط حالة من الجدل.. ومغردون: كله فى رقبتك ياهنيدى

حالة من الجدل على مواقع التواصل الاجتماعى والسوشيال ميديا، بعد الانتشار الرهيب لجملة "كام شير" التى استخدمها الفنان محمد هنيدى لمفاجأة جمهوره بتصوير جزء ثان من فيلم صعيدى فى الجامعة الأمريكية، لتظهر فى صدارة قائمة ترند تويتر بعشرات الآلاف من التغريديات. الجملة تداولت بشكل كبير حتى جعلت البعض يستاء من تكرارها بشكل دائم، فى حين أن البعض هاجمها بحجة أنها دعوة للكسل والتواكل على الغير، غير أن هناك من يستخدمها كوسيلة للضحك والمزاح وأحيانا "الغلاسة". محمد كيمو: "أنا خايف نصحى فى يوم نلاقى واحد ممنشن أبو بنت وكاتبله "كام شير وتجوزنى بنتك"، هتبقى مسخره وربنا"، وقالت وعد محسن: "كام شير وتشتغل وتجيب الحاجات اللى نفسك فيها بفلوسك يا فاشل"، وقالت ريم: "أنا عارفة إنها حرية شخصية، بس موضوع كام شير ده بقى مقرف أوى والناس مأفورة فيه زيادة وبقى حاجة بايخه". بينما جاءت آراء الرافضين للفكرة كالتالى، حيث قال أحمد أيوب: "الحقيقة انى مش قادر أشوف موضوع كام شير وتدونى مش عارف إيه، دى غير إنها شحاتة فى إهانة لصاحبها"، فيما قال مادو موجها تغريداته للنجم محمد هنيدى: "انت السبب يا نجم فى لعنة كام شير دى، ذنب الناس اللى مرارتها اتفقعت فى رقبتك ياهنيدى". وجاءت آراء المؤيدين لفكرة كام شير، كالتالى، حيث قال علاء: "حكاية كام شير اللى انتشرت على الفيس فيها حاجات كويسه والله، زى الناس اللى بتتواصل مع مراكز عشان تعمل عمليات ببلاش واللى عاوز يعمل عمرة ومش قادر"، وقال عبد الرحمن فهيم: "مش فاهم الناس مضايقة من تريند كام شير ده ليه يعنى، الناس بتحاول تحقق اللى نفسها فيه يعنى بطريقة سهلة وبسيطة، إيه المشكلة بقى".




























الاكثر مشاهده

"لمار" تصدر منتجاتها الى 28 دولة

شركة » كود للتطوير» تطرح «North Code» أول مشروعاتها في الساحل الشمالى باستثمارات 2 مليار جنيه

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

;