قالت الفنانة سمية الخشاب، إن زوجها الفنان أحمد سعد لا يخشى إطلاقا أن تستكشف ما بداخل هاتفه المحمول، وتابعت: "أحمد بيسيب ليا التليفون وبرد على مكالماته، لكنا أنا فتشت مرة واحدة فى الأول علشان أطمن على اللى فيه، والحمد لله لقيته نضيف وهو شافنى ويقعد يضحك ويقولى حبيبة قلبي اعملى اللى انتى عاوزاه".
وأضافت سمية الخساب، فى حوارها مع الإعلامية سمر يسرى، ببرنامج "أنا وأنا" المذاع عبر فضائية ON E، أن غيرتها على الفنان أحمد سعد "معتدلة" أما غيرة زوجها عليها كبيرة، وقالت :"علشان هو برج الأسد لكن أنا الميزان، وأنا مش هغير عليه غيرة تخنقه".
وعن علاقة الفنانة بالسوشيال ميديا، أوضحت سمية الخشاب، أن"مشكلة السوشيال ميديا، إن كل واحد بيعمل اللى هو عاوزه ومفيش قوانين بتحكمها، وأنا كنت مهملة تفاعلى مع الفانز بتوعى بس بدأت أتفاعل معاهم، وفكرة إن أصبح عليهم وأمسى عليهم حاجة مهمة جدا علشان يطمنوا عليا".