صدر حديثًا، عن دار السعيد للنشر والتوزيع، كتاب من نوعية الأدب الساخر بعنوان "طلق مراتها تحبها أكتر" للكاتبة الشابة ميادة عابدين.
وتقول ميادة عابدين حسبما يذكر غلاف الكتاب: "عاوزة أقول لكل اللى هيقرأ العنوان ده ويقول إيه الكلام الخطير ده، انتى بتشجعى على الطلاق والخراب، انتى مش شايفة معدلات الطلاق ارتفعت إزاى؟، هرد بسرعة وأقولك: لما تلاقى المرض انتشر دور له على علاج من المعاميع، ماتفضلش تشجب وتعترض وتزايد عليه بدون فايدة".
وأضافت: "أنا شخصية بتكتب بإحساسها، يعنى اللى بحس بيه إنى عاوزة أعبر عنه، بعبر عنه بطريقتى الخاصة اللى ممكن تكون خارجة عن المألوف، بس أعتقد الكتابة فكر وإحساس بيختلف من شخص لشخص، يعنى ماتحاولش تحطنى جوه قمقم أو تجبرنى انى أسير على نمط معين".
وتابعت: "الكتابة حرية وأنا بحب أعبر عن وجهة نظرى بطريقتى اللى قد تلقى قبول منك أو لا، وفى النهاية الاختلاف فى الأسلوب لا يفسد للود قضية".
يشار أن هذا الإصدار هو التجربة الثانية للكاتبة ميادة عابدين، بعد إصدارها كتاب "المفاجيع" التى شاركت به فى معرض القاهرة الدولى للكتاب، العام الماضى، وأيضا فى عدة معارض عربية للكتاب.
