المسيح بيحب..لمسة ايديك فى الطب.. قصيدة قديمة من "جمال بخيت" لمجدى يعقوب

يتمتع الدكتور مجدى يعقوب بمكانة كبيرة في قلوب المصريين، لما له من اسهامات كبيرة في عالم الطب والعمل التطوعى في مصر، ليبقى متربعا حبه في قلب مصر والمصريين، ويخلد اسمه من ذهب، حيث ينحنى العالم للجانب الإنسانى لديه، في ذلك الإطار نعيد قصيدة قديمة للشارع الكبير جمال بخيت عن الدكتور مجدى يعقوب. مسحراتي يدوب على الحنان محسوب مصري وحنيته تشفي جراح أيوب سيدنا المسيح بيحب لمسة ايديك ف الطب يا مجدي يا يعقوب نبضات قلوب البشر دقات ثواني العمر وساعات يكون القدر خطاوينا فوق الجمر وساعات ف عز الخطر نلقى الفرح منصوب بدل الوداع والسفر نسهر مع المحبوب ضيك يكون القمر يا مجدي يا يعقوب سيدنا المسيح بيحب لمسة ايديك ف الطب مصري وحنيتك تشفي جراح أيوب العمر لما انكتب ما بين لقا وفراق صاب القلوب العطب من حرقة الأشواق من غير كلام او خطب يتغير المكتوب ربك يزيح الغضب والرب رب قلوب وإيديك تكون السبب يا مجدي يا يعقوب سيدنا المسيح بيحب لمسة ايديك في الطب مصري وحنيتك تشفي جراح أيوب المصري خير ربنا ف مسيرة الانسان آدي طبيب مننا ماشي مع الشريان مغزول بإيد صبرنا طيب اصيل موهوب ينده عليه حسنا ويبلغه المطلوب اجمل صفات شهدنا يا مجدي يا يعقوب سيدنا المسيح بيحب لمسة ايديك ف الطب مصري وحنيتك تشفي جراح أيوب من مسحراتي مصر البهية شعر جمال بخيت