مفطّراتى .. سعيد شحاتة.. الحلقة السابعة

مفطّراتى.. ماشى بآلاتى ويّايا طبله.. بانده يا أبله عنتر يفطّر حبيبته عبله ويّايا آله.. ماشيه بتكاله شاعر يا خاله ومغنّواتى مفطّراتى.. ماشى بآلاتى بنقول له يالله يا مأدّناتى ادّن وكبّر.. الفول مشبّر والباميه.. تسلم.. إيدين مراتى يا أيّهذا.. ماذا ولماذا ولامتى قلبى واخد أجازه هازرعها حنّه.. من أى جنّه ما اعرفش فرض كان واللا سنّه بس أنتى أرضى.. والورد وردى لو حتى قالوا مالهاش حيازه مساكين بنسعى.. وعنيكى واسعه بيهدّ واحد... بيبنوا تسعه هذا أوانى.. شاعر بقصعه لفّيت حوارى.. ساعة العصارى ومشيت أغنّى فوق الكبارى: ● ● ● هلّ الهلالى... من صوت عيالى حطّيت هدومى جوّا المخالى ومشيت أهاتى... وأدعى لماماتى أمّى اللى شالت.. أمّى اللى عالت أمّى اللى قاعده بالخوف ليلاتى بنتى وحبيبتى وابنى وحماتى الله أكرم... سارحين فى مكرم نهتف ونكرِم... والليل ناياتى غنيت لسيّد... والنور معيّد ع الطبله شاعر ومفطّراتى ● ● ● مفطّراتى.. ماشى بآلاتى ويّايا طبله ومغنّواتى بنقول له يالله يا مأدّناتى ادّن وكبّر.. الفول مشبّر والباميه.. تسلم.. إيدين مراتى