والدة بسنت نور الدين: "بنتى كويسة ومعز مسعود راجل فى قمة الاحترام"

أكدت عزة بدوى والدة المرشدة السياحية، بسنت نور الدين، أنه تم تأويل "البوست" الذى كتبته ابنتها بخصوص انفصالها عن الداعية الشاب معز مسعود. وكتبت بدوى، عبر صفحتها الشخصية على موقع التواصل الاجتماعى "فيس بوك": "السلام عليكم جميعًا أنا والدة بسنت نور الدين، أنا متضايقة جدًا من اللى الناس بتنشره بخصوص خبر انفصال بنتى بسنت عن زوجها معز مسعود، ومستغربة جدا إزاى يأولوا كلام بنتي بالشكل المزيف ده". وتابعت: "وعشان اقفل أى كلام فى الموضوع ده، بنتى بفضل الله كويسة وزى الفل وزوجها السابق معز مسعود راجل قمة فى الاحترام والدين والأخلاق.. وربنا أكرمهم بانفصال محترم ومنصف ويرضى ربنا". وأضافت: "ماكنتش متصورة إن كلام بسنت العام عن الآمال والطموحات والمشاعر الشخصية هيتم تأويله للهجوم على راجل محترم لم نر منه إلا كل خير وراعى ربنا فيها وفى كل حقوقها وبكل احترام.. بعد اذنكم نقفل صفحة الكلام في الحياة الشخصية لبنتي ولزوجها السابق المحترم".