شاهد خفة دم المصريين بعد تأخر العاصفة الترابية

سخر العديد من رواد موقع تويتر، من تأخر هبوب العاصفة الترابية على القاهرة، وقاموا بنشر العديد من التعليقات المضحكة والكوميك، والتى كشفت عن خفة دمهم فى تعاملهم بعد الأزمة. وغردت فتاة تدعى "بنت صاحب تويتر"، قائلة: "أنا قفلت كل الشبابيك والبلكونات.. وحضرت الكمامة والبخاخة وجهزت كل حاجة.. مش فاضل غير العاصفة.. الغايب حجته معاه"، فى نفس السياق، سخر مصطفى طلبه: "مش مواعيد عاصفة دي!! مافيش التزام اقسم بالله". وسخر محمد مانو، على تأخر مجيئ العاصفة الترابية قائلاً: "العاصفة الترابية والنبي يا خويا أنا عندي جيوب أنفية متجيش"، وكتب آخر يدعى أيمن مصطفى:"الو.. الأرصاد الجوية معايا إحنا منتظرين العاصفة الترابية إديلنا يومين فقولنا نطمن لو حصلت مشاكل فى الطريق ولا حاجة"، وكتبت سارة: "مساء الخير.. لو سمحت عايز اعرف العاصفة الترابية مجاتش ليه لحد دلوقتي!".