فاضى شوية ناكل كشرى فى حتة بعيدة.. سالى رسمت أغنية حمزة نمرة بالأكل

أحبت الرسم منذ طفولتها وكانت تستخدم الأدوات التقليدية من أقلام الألوان والفرشاة لرسم لوحاتها الفنية، ورغم دراستها للسياسية والاقتصاد إلا أنها لم تنسى شغفها وهوايتها المفضلة وهى الرسم، وبدأت تطور من نفسها وتتعلم طرق جديدة ومختلفة للرسم مثل الفحم وألوان الباستيل للرسم، وشجعها والدها على تنمية موهبتها بجانب اهتمامها بحياتها المهنية. قررت سالى مجدى أن تفكر خارج الصندوق وتتميز أكثر فى مجال الرسم، وتبعد عن الأدوات التقليدية وبدأت تفكر فى استخدام الطعام لرسم لوحاتها، بدلاً من الفرشاة والألوان، حيث قالت: "بدأت أدور على أى خامة جديدة ومختلفة للرسم، فكرت فى أنواع الأكل اللى ممكن أرسم بيها، ورسمت أول لوحاتى بالنعناع والقهوة والكاتشب والملح والمربى، وحبيت الطريقة الجديدة، وفكرت فى الرسم بالعسل الأسود، وصورت اللوحة دى ونشرتها على صفحتى وعجبت الناس جداً، وسمونى برسامة العسل". ورسمت سالى أغنية حمزة نمرة، الجديدة التى تحولت إلى "تريند" بين الشباب، وعبرت عنها بمكونات الكشرى، ودمجت الأغنية بالكوميك الشهير للفنان نبيل شعيل حيث رسمت بمكونات الكشرى الفنان حمزة نمرة والفنان نبيل شعيل، وكتبت "فاضى شوية ناكل كشرى فى حتة بعيدة وجطعة صلصلة فى علبة كبيرة وخلي حساب الدقه عليا". وتابعت سالى: "بدأت استخدم أكلات تانية فى الرسم، زى الشيكولاتة والرمان وعجينة الكريب، والفول والتونة والتوابل والڤيجيتار والزبدة والسمنة التوابل، عشان أثبت نفسى أكتر فى الاتجاه ده، ورسمت مشاهير كتير وأشهر رسوماتي كانت للفنان حسن حسني ورجاء الجداوي وكانت بالعسل الأسود". وعن الصعوبات التى تصادف سالى أثناء الرسم وربما تتسبب فى إفساد لوحتها، قالت "الصعوبات اللي بقابلها، إنى أرسم بماده سائلة، بيكون صعب التحكم فى الرسمة، وكمان الرسم بالأكل بيحتاج مجهود مضاعف عن الرسم العادى، لكن بالتعود بيكون الموضوع بعد كده سهل". تستغرق سالى وقتا طويلا فى رسم لوحاتها بالطعام، حيث قالت :"وقت الرسم بيتحدد حسب عدد الشخصيات، يعنى لو الرسمة بتاخد أكثر من شخصية، بتاخد منى ساعتين أو ثلاثة ولو رسمة بسيطة بتاخد نص ساعة، ومصير الرسمة إنى باكلها بعد ماتصويرها". حلم سالى مجدى ليس له حدود، والذى عبرت عنه قائلة "نفسى أطور من رسمى وأعمل مؤسسةلتعليم الرسم لأطفال متلازمة داون وأعلم الأطفال المحتاجة وأنمي موهبتهم، ويكون ليا أثر طيب فى نفوس الناس وأكون سبب فى حبهم للرسم".