"عالية" رسمت لوحة لأجمل ذكريات رمضان زمان بطلها سمير غانم: بيفكرنى بوالدى

أيام قليلة ويحل علينا شهر رمضان الكريم، الذى يتميز بأجوائه الدينية والأسرية حيث يتجمع أفراد العائلة على مائدة واحدة وقت الإفطار ويجلسون معاً لمشاهدة البرامج والمسلسلات الدرامية، ولا ينسى أحد تواشيح الشيخ النقشبندى وموسيقى تتر برنامج الكاميرا الخفية، ومقالب الفنان الراحل إبراهيم نصر الفكاهية مع ضيوفه، وحودايت ألف ليلة وليلة، ومسلسل بكار ومغامراته، وفوازير شريهان ونيللى وفطوطة. عالية جمعت أجمل ذكريات رمضان بلوحة فنية جمعت الفنانة عالية مدحت خريجة كلية الفنون الجميلة والتى تعيش بالإمارات، هذه الذكريات الرمضانية الجميلة، فى لوحة فنية بطلها الفنان الراحل سمير غانم، حيث تحدثت عن اللوحة لـ" انفراد"، قائلة :" رسمت اللوحة دى للاحتفال برمضان ولأنه السنة دى هيكون مختلف و صعب عليا بس حبيت أعمل لوحة تفرحنا ورسمت كل حاجة بتفكرنا برمضان زمان ومنهم فطوطة، لأنه للأسف مش هيكون موجود معانا السنة دي بس سايب وراه بهجة و حاجات حلوه بتفكرنا برمضان ، وربنا يرحمه و يرحم والدي الحبيب اللي هيكون أول رمضان من غيره و كل اللي هنفتقدهم من نجوم رمضان السنة دى". وأضافت :"رسمت فطوطة لأنه أول رمضان مش هيكون معانا فيه وكمان بيفكرني بوالدي اللي اتوفي هو كمان من شهر و نص بكورونا" نالت اللوحة إعجاب متابعى صفحة عالية على مواقع التواصل الاجتماعى، ولم تكن هذه المرة الأولى لها فى رسم لوحات خاصة بشهر رمضان، حيث اعتادت الفنانة المصرية على رسم لوحات خاصة بالشهر الكريم كل عام، حيث قالت :"بحب أرسم لوحات في رمضان لأني بحس انها بتعمل جو من البهجه و أتمني إني أسعد الناس اللي بتشوف لوحاتي حتي لو للحظات ده كفاية جداً و بيسعدني و ممكن يفتكروني بيها في يوم من الأيام و أتمني الناس تدعي بالرحمة لوالدي و فطوطة و كل أمواتنا". وعن الصعوبات التى واجهت عالية خلال رسمها للوحة، قالت :"لا مفيش صعوبات واجهتنى وأنا برسم اللوحة غير إني أحاول أقرب الملامح و الشبه للشخصيات المشهورة اللى رسمتها".