"ندى" تتميز فى تصميمات بالطابع الفرعوني: حلمى يكون عندى براند مصرى

"حلمي يكون عندي براند مصرى".. بهذا الكلمات بدأت ندى حديثها لـ "انفراد" بعد ما نشرت أحدث التصميمات التي تحمل الرموز والأشكال الفرعونية. ندى البسيوني صاحبة الـ 28 عاما قالت في حديثها لـ انفراد: "أنا بحب الرسم والتخطيط وبحب الشغل على الفوتو شوب، من فترة صغيرة بدأت اشتغل على الذكاء الاصطناعي كنت بشرحله أنا محتاجة تفاصيل معينة وكان بيتم تنفيذها، بالرغم من أن عندي شغلي الخاص كمسئولة خدمة عملاء في إحدى الشركات". تابعت:" فكرت يكون في براند مصري من الأحذية يحمل الطابع الفرعوني حبا في الحضارة المصرية، بالإضافة إلى معرفة الشعوب الأخرى إن عندنا براند مصري، لكن للأسف أنا بصمم فقط، لكن مش عارفة انفذ بالرغم من أني خريجة كلية الحقوق، ليس لدى أي علاقة بالرسم، لكن بلاقي نفسى فيه، ممكن أشتغل 3 ساعات يوميًا بجانب شغلي الأساسي. وتوضح: "لاحظت الفترة الأخيرة إن في شركات عالمية تستخدم الأشكال الفرعونية على المنتج الخاص بهم، فكان طموحي أن يكون المنتج مصري والصناعة مصرية، مثل باقي المنتجات العالمية، التي حصلت على نجاح كبير بداخل مصر ، فكنت حابه يكون عندنا حاجة تسمع في العالمية. وتقول: "من أكثر الناس اللي كانت داعمه ليا هم أهلي وأصدقائي، كنت بعد كل تصميم أعرضه عليهم كنت بحس بتشجيع كبير جدًا ، فكنت حابه أكمل بكل حب وبأخذ طاقتي منهم". عن أمنيتها قالت: "حلمي اشتغل في شركة كبيرة، ونبدأ في تنفيذ التصميمات وننجح مع بعض، ونثبت للعالم كله أن عندنا براند مصري يجمل الطابع الفرعوني خارج من مصر".