للموسيقى والكلمات الأثر الكبير فى رفع المعنويات والحماسة نحو الحياة بشكل عام، والرياضة بشكل خاص، ومنها أيضا الذى قد يجعلك حزينا، ومنها ما قد يسعدك، إلا أن أغلب الشعوب وبوجه خاص مشجعو كرة القدم يزداد حماسهم بهتاف وسماع أغان رياضية تعطى الحافز على الفوز.
والأغنية الرياضية مثلها مثل الأغنية الوطنية، فنجد بعض الأغانى التى خصصت للنوادى الرياضية تحمل كلمات ومعانى وطنية، وخاصة فى مصر، حيث نجد أن أغلب الأغانى بها اسم مصر كحافز قوى للفوز والتحدى.
وفى هذا السياق تعرف على أشهر 14 أغنية أُطلقت فى بطولات ومناسبات رياضية.
آمال ماهر.. بطولات للنادى الأهلى.. بطولات إنجازات مشوار مليان أساطير جماهير بتغير على نادى عظيم وكبير.. بطولاته أكبر من عمر نادى بحاله ولاعيبة ونجوم فى قلوبنا خلاص اتشالوا وهتفنا باسمه ويستاهل يتغناله.
أغنية منتخبنا ٢٠١٧ الأغنية الرسمية لتشجيع المنتخب المصرى فى كأس أفريقيا الجابون ٢٠١٧ "علشان الكورة بتجرى فى دمنا".
أغنية مصر كأس أمم أفريقيا.. حمادة هلال.. مبروك علينا راجعين شايلين الفرحة بإيدينا، وحاولنا ووصلنا يا بلدنا ولاقينا ممكن ندوس على النار منمش ليل ونهار علشان خاطر ترابها هنكمل المشوار.. هقولها بأعلى صوت أنا لو علشانها هموت.
يلا شجع.. إسلام زكى.. مع منتخبنا ومهما يكون هنقول يا مصر بكل جنون وبأعلى صوت نهتف ونقول مصر قادر هتافنا يهز الكون.. يلا شجع كتير قول يا مصر بضمير دعوة واحدة لبلدنا ده ربك كبير.
أغنية بيبسى "حلمنا واحد" غناء محمود العسيلى وأحمد شيبة مع زاب ثروت.
نازل وشايل فوق كتافى أعلام بلادى.. وبأعلى صوت فيا بأغنيلها وأنادى، لمتنا ليها طعم تانى يلا بينا ننزل نشجع مصر محتاجة لأيدينا واحشانا فرحة لما نكسب البطولة ومدرجات مليانة ناس.. وفى جون نجيبه الأرض تتزلزل علينا.. شجع ونادى باسم مصر وقول بلادى يلا بينا كلنا متجمعين.
محمد فؤاد.. مين قال إن إحنا منقدرش ده الصعب معانا ميصعبش ردك على الجدعنة والباقى لو ضاقت تفرج متخافش.. رجالة وفى وقت الجد الدنيا تتشال تتهد.. فرحتكوا تفرح شوارعنا والسجدة لربنا تجمعنا.. يا اللى شايفنا ويا اللى سامعنا ادعيلنا مصر متخسرش.
من الأغانى الرياضية الكوميدية
أغنية ايا ايا اووو للمنتخب المصرى 2017
وأغنية أبلة فاهيتا عن المنتخب المصرى الجديدة.. روحنا الجابون مع كوبر والحضرى ما هو سوبر 44 سنة لكن متين مش زى التانيين.. شناوى وشريف على الدكة بيجيلهم غضاريف ودى حجة.. معناش مهاجمين وهنلعب بمين مع باسم قافشين.
الفيديو الذى صممه الجهاز الفنى للمنتخب لإشعال حماس اللاعبين قبل موقعة نيجيريا ببرج العرب، التى انتهت بفوز مصر بهدف لرمضان صبحى بعد التعادل مع نيجيريا فى كابودا 1-1 فى آخر دقيقة.. وغنت شادية يا بلادى يا أحلى البلاد يا بلادى.. يا حبيبتى يا مصر.
شوبير - أغنية "هدف واحد" للمنتخب المصرى.. علشان إحنا واحد وهدفنا واحد كلنا نهتف مصر بصوت واحد.
لؤى.. بلدنا فى القلوب متشالة ومهما تضيق علينا الحالة ولادنا قدها ورجالة منعرفش الهزار قصاد كل الظروف نتحدى.. ونثبت تانى بعد الشدة وده بسر الدعاء والسجدة ونية الانتصار.. بلدنا وحبنا باقيلها وجوه عيونا بنشيلها علشانها المايلة نعدلها حلفنا بربنا لازم.
شنكوتى.. لما نقول الفراعنة يبقى تقف تسمعنا ما إحنا اللى أخدنا الكأس 5 مرات مصر ولا فارقة معانا كاميرون من غانا.. لا تقولى ديروكبا وادبو الحضرى ده مين اللى يهده لو قلنا كمان أبو تريكة هنشوف اجوان مزيكا ده احنا ولادنا الرجالة رايحين وفى أحسن حالة.
أغنية بنعشقها شجع واطلع فى الصورة، برعاية إدارة الشئون المعنوية.. إيد واحدة فى كل بطولة شجع واطلع فى الصورة كلنا بنحب الكورة.
