درجة الحرارة الأسبوع ده هتنخفض جدا، هتبدأ بـ 19 وهتوصل لـ 21 علشان كده لازم تستعدى كويس فى اللبس والكريمات وتحافظى على أناقتك وشكلك من غير ما البرد يأثر فيها .
خلى فى دولابك" الكوت أو البلطو دلوقت بس نقدر نقول إن جه دوره، كمان متنسيش الكوفيه وممكن تلبسى تحته تى شيرت قطن أو تريكوه خفيف، وأجلى الصوف والكتان دلوقت لسه هتحتاجيهم قدام.
خلى فى شنطتك": مناديل مذيلة للماكياج، لأن الرطوبة هتبقى عالية جدا وده هيأثر على بشرتك وهيخلى الماكياج يبوظ بسرعة، علشان كده مينفعش تزيلى الماكياج بالماية والصابون لأنه هيعرض بشرتك أكثر للجفاف.
خلى فى حمامك": الجلسرين دلوقتى هو بطل المشهد، لازم تستخدميه كل يوم بالليل قبل ما تنامى سواء على بشرتك أو شفايفك أو حتى جسمك علشان تضمنى إن جلدك مش هيجف ويقشر.