كورونا هو اسم الفيروس اللى تردد بقوة الأيام اللى فاتت.. ويوم بعد يوم بتزيد حالات الإصابة والانتشار بعد أول حالات إصابة استجلت من الصين.. 107 حالات وفاة وأكثر من 4 آلاف حالة إصابة، الأرقام المعلنة لحد دلوقتى فى 19 دولة.. هنقولك فى خطوات إزاى نلبس ونخلع الكمامة الطبية بشكل صح للحد من انتشار الفيروس.
كيفية وضع قناع الوجه فى 5 خطوات:
1- نظف إيدك جيدا قبل لمس القناع.
2- اتأكد إن لبس الماسك يكون الجزء اللى فوق هو الجزء اللى موجود فيه شريطة ناشفة عشان تثبت على الأنف.
3- اللون الأبيض فى الماسك بيكون على الفم واللون الأخضر هو اللى برة.
4- ثبت أطراف الماسك على كل أذن.
5- اسحب الجزء اللى تحت ليغطى كامل الفم والدقن.
إزاى نشيل الماسك الطبى:
1- هنضف إيدنا كويس بالميه والصابون قبل لمس القناع.
2- هنتجنب لمس الجزء الأمامي من القناع لأن هو ده الجزء الملوث.
3- امسك أطراف الماسك بس من الأذن وشيله.
4- اتخلص منه فورا فى سلة الزبالة.
5- آخر حاجة نظف إيدك تانى بالميه والصابون أو معقم الأيدين.