صور.. مسنة ترعى ولدين معاقين.. معاشها 320 جنيها ومديونة بـ1700

الحاجة فاطمة عبد اللطيف مصطفى المشد، أرملة مسنة تبلغ من العمر 61 عاما، تعيش فى غرفة تحت بير السلم بـ 2 شارع يس مرعى خارطة عاصم بولاق الدكرور التابعة لمحافظة الجيزة، لديها 3 أولاد ذكور، 2 منهما توأم ولدا بعيب خلقى فى القدمين، جعلهما لا يستطيعان المشى بطريقة طبيعية أحدهما يحصل على معاش مساوٍ لها 320 جنيها. تقول الحاجة فاطمة: "توفى زوجى منذ 10 سنوات وترك لى 3 أولاد أكبرهم 22 عاما جميعهم الآن حاصلون على دبلومات تجارة، ابنى الأكبر كان يعمل فى ورشة ألوميتال وكانت الدنيا ماشية ومش محتاجين حاجة من حد بس أصيب بمرض السكر وأصبح غير قادر على الكسب قعد جنب أخواته. وتضيف الحاجة فاطمة: "أنا معدتش قادرة اشتغل أنا عندى 61 سنة وعندى الضغط وحساسية على الصدر.. باخد معاش ضمان اجتماعى 320 جنيها فى الشهر، يعنى كل دخل الأسرة 640 جنيها، بدفع منها إيجار وكهرباء وميه ده غير العلاج، ابنى الكبير لوحده بيحتاج علاج للسكر بـ200 جنيه فى الشهر ، وأنا مش بجيب العلاج كله علشان الفلوس مش بتكفى أنا بحتاج علاج بـ180 جنيها فى الشهر ، بجيب علاج الضغط ومش بجيب علاج الحساسية إلا إذا تعبت". وتكمل الحاجة فاطمة: "أنا بقالى شهرين مش بدفع فواتير الكهرباء وعليا ديون 1600 جنيه وواخدة قرض بسدد فيه باقى عليا حوالى 1600 جنيه يعنى كل اللى عليا 3700 جنيه". للتواصل مع الحالة : 01097528207 – 01113533720