مادام إني أخر صبرك
فسامحيني عشان خاطرك
واهو مسيري في يوم راجع
وأعود ليكي بما يسُــــرك
***
بلاد الله لخلق الله
وفين الرزق ماشي معاه
أصاحب ناس وأفارق ناس
وأنام يا أمه حبيس الآه
***
لا أنا حابب ولا مٌغرم
على فراقك أكيد مُرغم
ويوم الغربة بيعدي
سنين صعبة وليل معُدم
***
عيون الشوق قمر صاحي
بتقلق فيا وتناحــي
تفكر باللي ما نسيته
وتسهر بيًا صبًاحى
***
جناح مجروح وبتكابر
يا طير الغُربة يا صابر
يدميك الريح ولا تبالي
وبتقوم و بتعافــر
****
بلاد الغُـرب مش بلدي
ولا فيها أمل ولـــدي
وحياة حضنك الدافي
غير انت وبلدي ما بٍـدي
***
مدي ايديكي وادعي لي
يحيا نور قناديلي
يهون الطريق وإن طال
أتولد لك صبح من ليلي