عمر حسين أبوضيف يكتب : رحلة وسط الذكريات

لملم ذكرياتك ف شنطة سفر واحضن حنينك من غير سلام ودع صاحب وجعك م غير ما يعتذر واضغط ع نفسك وقت الفرااااق تدارى الحنان ليك كام صاحب يعنى ؟ ليك البحور والغيوم والصحارى ليك نفسك ليك الوحدة مهما بتفضحك ابتفضل تدارى اهجر وطن زرعت فيه شهدك واحدة كانت صباحك ومساءك كانت ودك ووردك غيه عندك تزرع جدر مقطوع من فرع تانى ميشبهلكش جدر مش من نوعك ولا أصلك ليه بتزرعه فيك اهه نبت وجع وألم، وحنانه محضنكش واللى انت بعته كان شاريك واللى فاكره شارى أهه باعك يابنى الموج مهما بيطلع ع الشاطئ بيرجع للبحر تانى زرعت وردة بشوكها جوه منك وفيك شوفت الحدوتة أهه خلصت خلاص أيدين بتسلم قلب بيتألم وعيون بتلملم نظراتها حضن بيموت ف لحظة وجع إحساس متحسش لحظة ما الذكريات حست