محمد عبد الله يكتب: بعدك أرحم

وفيها إيه لو مرة تسامحنى ----- ما ياما غلطت ومن قلبى سامحتك أزاى وليه بس تهنى --------وانا عُمرى أبداً ما فى يوم جرحتك أفتكر إنى فى يوم أمنتك ------ أفتكر كم مرة صالحتك أفتكر إنى كنت حبيبتك -------و إنى حبيبى لسه بحبك زى ما أنت عايز أنسى -------أنا مش هانسى ولا هأتكلم بس بلاش يا روحى تأسى ---- --خايفة فى قلبى الأسوة تعلم صعب أكون مرتاحة فى بُعدك -----بس حبيبى بُعدك أرحم من إنى أعيش تعبانة فى حُبك من غير ما تحس ولا قلبك يرحم أنا إنسانة وليا مشاعرى -----وأنت لا حاسس ولا بتقدر كل ما كنت بحاول أقرب ----كنت بتبعد أكتر وأكتر ومش هأتمنى أرجعلك تانى ----وأوعى تفكر إن أنا مش هاقدر لا يا حبيبى خلاص إنسانى --- ده أنا من حُبك دمى أتعكر وقلبى قرر يبقى أنانى ----وفى غير راحتى مش هيفكر .