هانم داود تكتب: حبك أكبر

يا بلادى حبك أكبر .....عن كل غالى حبك أكبر شوفى بندافع عنك بإيه... بأولادنا الغاليه والإيمان بيصبر بلدنا بنحبك للنهاية .....ونحافظ على كرامتنا بحمايتك للنهاية لو وقع طفلنا على الأرض ثانيه .. وهو نونو لسه بيخطى للدنيا قلبنا بيقع مننا ويطير عليه .. ونشيله القلب بيسمى عليه ونقول له اسم الله عليك......... الله يحميك ويهنيك بالدنيا ونفضل نراعيه طول عمرنا ..ونراعيه بروحنا وكفاحنا وعمرنا وسبحان الله نحميك يا بلادى بفلذه أكبادنا...وكل غالى عندنا يا بلادى حبك أكبر.......، يا أغلى حب عندنا يا بلادى حبك أكبر.. من كل غالى حبك أكبر شوفى بندافع عنك بإيه.. بأولادنا الغالية والإيمان بيصبر بنضحى علشانك بالغالين عندنا يابلدى ونحافظ على كرامتنا بحمايتك يا بلدى ونصونك ونصون عرضنا يا بلدى يا بلادى حبك أكبر ... من كل غالى حبك أكبر العصفوره بحجمها الصغير النونو.... وفمها النونو صغير نونو وإبننا الصغير بيشاغلها وفرحان بها ..لو عضته وهو ماسيكها وصرخ وهو بيبكى طفلنا الصغير... نجرى نشيله فى حب كبير ونفضل نعاتب فى روحنا..ونقول ممكن العصفوره كانت جرحت عينيه ونبكى ونقول قدر ولطف الله الكبير... الله قدر ولطف كتير يا بلادى حبك أكبر.... من كل غالى حبك أكبر شوفى بندافع عنك بإيه.. بأولادنا الغالية والإيمان بيصبر ولو اتجرح طفلنا الصغير... أى جرح مهما كان صغير وعنينا شافت جرحه الصغير بينزف دم قليل ومش كتير ننهار و تمزقنا الآهات و نبكى ونحزن ونقول كنا ننجرح وبلاش طفلنا الصغير يا بلادى اللى راح ما يتبدل....مهما تسود الدنيا فى عينينا ولا فى الحق نجادل وربنا السميع عادل ....... يطالبنا بالدفاع عن أرضنا واللى مايدافع عنك يبقى عاصى ربنا..والله يحمينا ويمتعنا بالأمان كلنا