طفلة تبرع فى مكياج مشاهد الرعب.. وتؤكد أمى كانت بتخاف منى

شاركت القارئة بثينة سعيد البالغة من العمر 15 سنة من أهالى محافظة الإسكندرية صحافة المواطن بموهبتها فى مكياج مشاهد الرعب. وقالت القارئة فى رسالتها: بدرس فى الصف الأول الثانوى فى إحدى مدارس الإسكندرية، ومن 3 شهور تقريبا اتعرفت على الشغل ده لما فتحت اليوتيوب بالصدفة، ولقيت ناس بتعمله ما كنتش فاهمة حاجة، بدأت أعمل الماتريال كلها فى البيت، عملت العجينه اللى بيتشكل بيها الجرح عملتها من الفازلين والنشا، وبدأت أعمل الدم، واستخدمت المكياج والروج لعمل الكدمات والجروح، وبدأت ابتكر أفكار جديدة زى العضم وحاجات كتير، وكان رد فعل أمى إنها بتخاف منى بس، بدأت تتقبل الوضع إنى افتح لها الباب محروقة مقطعة صوابعى وهكذا، ومحدش ساعدنى وطورت الموهبة لما بدأت أعمل الرسمة مرة واتنين وتلاتة علشان لو مش مظبوطة وبجرب حاجات جديدة. شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد" برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.