حبيبتى فوق السوق كلها منى
جنون الاسعار عنها مايبعدنى
حبها دوا قلبى وصبر يصبرنى
انا بباب الصبر صابر ومستنى
لو هصوم العمر حبها يشبعنى
وكلام المضل عنها مايخدعنى
اصم ودانى لضلاله مايسمعنى
وصابعى تحت ضرسه يوجعنى
مش هخليه عن حبها يودعنى
ولا عن بناية امجادها يرجعنى
اسعار ايه والله كرامتى تمنعنى
عن شكوى وهى امانى وأمنى
كفايه حبها ولا الغير يمرمغنى
فى تراب المذلة وركوع التدنى
وآل ايه خيمة والحر يلسوعنى
والبرد تلج زى فريزر يجمدنى
دا بعدك حبها لروحى بيسعدنى
لو الاسعار نار عنها ماتشردنى
ولا اكون نكره والكل مايعرفنى
فى طريقى ماشى الكل عارفنى
ادوس الصعب بالصبر يأنسنى
يوم الحصاد جاى خير يونسنى
عرقى يطرح الخير بحسن ظنى
وعمر حسن ظنى بها يوم خانى
حبيبة قلبى وضى العين والننى
مصر بكل احوالها موالى وفنى
هى سر وجودى ماتنفصل عنى