محمد عبد الله طاهر يكتب: رصيدك خلص

رصيدك فى قلبى خلص وحُبك منه راح مسيرك فى يوم تتقرص وتحس بنفس الجراح ومن نفس الطبق هتدوق، ده فيه خالق وفيه مخلوق وكل شيء محسوب، عند اللى خلقك فوق ياللي قلوبكم طوب وبتلعبوا بقلوب عيبكم فيه زيُه عيوب وبكرة قلوبكم تذوق ياما اتبدلت أدوار، الظالم بقى مظلوم والليل طلعله نهار والداين بقى مديون صورتك قدام عينيا وعينيا مش شايفاك لا أنتَ صعبان عليا ولا فارق هواك من كثرة اللي عملته فيا روحي خلاص كرهاك الجرح بيوجع أوي ،بس أنتصرت عليه ولو فاكر نفسك قوي بكرة تتوجع بي