أشرف أبو زيد محمود يكتب: سنين وسنين

أيام وبتعدى وسنين تجيب سنيــــــــــــــــــــن وكل اللى باقى عندى ذكرى وشوية حنيـــــــــــــــن افتكر أيام الطفولة والبراءة ومشى فى الشارع برجليه حافين ولما كبرت شوية بقيت أفرح بجزمة قميص أو بنطلون جابردين وهبا عرفت الشقاوه والسجاير والبنت أم ضفيرة نزله على الكتفين الشقاوة زادت لا دى تمادت بس أقولكم كنت ولا الشياطين وسنة جابت سنة وخلصت الدراسة ودخلت الجيش وبقيت من المجندين وخلصت الجيش وعايز أكل عيش وأشوفلى شغله أجيب منها قرشين ومن مكان لمكان ومن فلان لفلان اشتغلت 100 شغله وياريت عاجبين فلان اللى من سنك وابن خالتك وابن عمك نجحوه وفلاحو وأنت من العاطلين وكونت شوية فلوس ونفسى أقعد فى كوشة وألبس بدلة شيك وجزمة برباطين وتلف السنين وبقيت أبو الولاد وطبعا الحمل زاد وكله مكتوب على الجبين وسنة تجيب فى سنة وأنا مش أنا هو أنا اتغيرت ولا ده طعم السنين فين أصحاب زمان فين بنت الجيران وحلاوة رمضان والتليفزيون أبو قناتين كل شىء اتغير والدنيا حالها يحير حتى الأطفال بقى ليهم لسانين ناس تغدر بيك وناس تغنى عليك وناس تدى دروس لكتيبة شياطين واللى كان حبيب فجأة بقى غريب وكل الناس مركبة الوشين وأيام وبتعدى وسنين تجيب سنين وأكيد هيجى يوم ونبقى مش عايشين واللى كانوا هنا امبارح هما انهرضه فين أبكى بحرقه يا عين وزى ما هما راحلوا إحنا كلنا هنكون من الراحلين تفوت سنة تيجى سنة مبقتش فارقة كلهم يومين وكل سنة وأنتم طيبيــــــــــــــــــــن