قوللي يا ورد أعمل معروف
بنفسجى احمر وانت يا موف
مشغول قلب حبيبي بمين
نفسي أصارحه لكن مكسوف
قوللي
نظرة عينه كلام ووعود
آه لو كنت أنا الموعود
تبقي حليتى يا دنيا خلاص
ولا هــيهم عزول وحسود
قوللي
دقات قلبه حاسسها عارفها
نفس الكلمة الحلوة بخوفها
امتى اسمعها ويقولهالي
امتى اللحظة الحلوة نشوفها
قوللي
فيك من وصف حبيبي كتير
رقته ذوقه وقلبه كبير
زي النسمة الطايرة بيهمس
منه يا ورد كتير بتغير