خالتى أم الخير فى خير
إفرح يا جارها واسعد
أعمل عملها غِـيـر
اسعى فى الخير حاتسـعـد
قابــــل الـنـاس ببسمـــة
الكـلمـه الحــلــوة رحمة
شمعه راح تمحى ظلمة
تزيح فى العتمة تبعد
خالتى ام الخير بخيرها
تروح الأيام وترجع
لساها سند لغِيرها
مصرية صحيح ومجدع
قَدمها أخضر منبت
بالنعمة تبوح ما خبت
ع الغالى عِيالها ربت
والدنيا بحالها تشهد
من قبل الفجر ديكها
فرحان بوجودها جَنبه
شبعان من صنع إيدها
شاكر يدعى لها ربه
عِشتى وفى أحلى حاله
بصحة وبخير يا خــاله
مش قابلة تكونى عالة
مهما الشيب يهدد