ياللى زرعتوا بإيديكم الإرهاب
وخبطتوا بيه على كل باب
وسقيتوا العالم منه العذاب
كأس وداير وضياع زهرة شباب
ذنبهم إيه الغلابة دول يشربوه
ويعم بيه على الدنيا الخراب
اللى راح يعود عليكم
ياريت كانت اتقطعت إيديكم
واحدة ماشية فى حالها
راجعة بيتها بالغدا لعيالها
فجأة انفجار جنبها يهز الجدار
لا فيه شفقة ولا رحمة
لحظة غدر تاخد فى سكتها
موت نفسك وفاكر إن الجنة هى جزاك
أرواح بريئة قتلتها من حياتها اخدتها
مصيرك جهنم يا عدو الدين يا خاين
وحسابك يوم الحساب للكل باين
وقعت زى الكلب ع الأرض الطيبة
بئس الختام والجحيم قريبة
مهما عملتوا ومهما صنعتوا
هنحاربكم وهنصد عدوانكم
والشعب إيد واحدة تمللى قصادكم
والعالم كله برىء منكم ومن امثالكم