القارئ عبده عز يكتب: كما يليق بضحكتها

هحكي عنك للأماكن بقلى طيفك فـ المساكن حُبك جوا روحي ساكن قلبي قاسي أيوا لكن .. بيكي اتحنن ورق طول عمره قلبي ساكت.. ولا من قبلك مرَّه دق ! كل ذكرى بينَّا حلوة كل ضحكة وكل غنوة قولي فاكره والـ لأ ؟ * * * لمسه ناعمة ونظرة حَنونه لأنك طيبه ولأنك أصلا مجنونة.. كان طبيعي تحبي حد يشبهك وكان لازم أحبك واُصاب بـ مُتلازمتك وأحزن على غيابك واشتم ساعات فُرقتك واكتب فـ ليل بارد كل الخطأ وارد ولكنه مش مقصود و الشك موجود فـ الحب والغيره واحنا بينَّا وعود وأولها الواعد يصدق مع الموعود .. ويكمل معاه المسيرة وسيرة حلوه على لسانه فـ كل أوان ويشرب بيكي كام قهوة وحبة ألحان ويدعي بكل إيمان ويطلب ملتقى دايم كان شىء جميل أفطر بيكي بعدما كنت صايم ليالي بسيرتك تتعطر عينيا غيوم وبتمطَّر حُبك بحر .. وعقلي كـ بحار متفطَّر .. وكُلك سحر وقلمي شراع وفيكي كلامه بيكتَّر سطور فـ هواكي بيسطر .. وليكي بس مترهبن تمر إزاي كده سهواً دقيقه من غير متيجي فـ بالي وتمُري ازاي على روحي .. فتبدليلي كل حالي ؟! .


الاكثر مشاهده

جول مورنينج.. روى كوستا يبدع بهدف أسطورى أمام إنجلترا فى يورو 2004

صحة البحر الأحمر: حملات رش لمكافحة الأمراض المتوطنه شمال الغردقة اليوم

محافظة القاهرة توقع بروتوكولا لتوصيل المرافق لعقارات أراضى الدولة المقننة

"كاميرات المراقبة " تكشف المتهم بسرقة الشقق فى وادى حوف

للمرأة.. أعرفى حقوقك فى قانون العمل وأبرزها إجازة الوضع

برلمانية :مواجهة أزمة الزيادة السكانية لن تتم فقط من خلال عمليات تنظيم الأسرة

;