القارئ أحمد إبراهيم يكتب: تقريبا بننسى

تقريبا بننسى حد وقف للظلم وغلبه ضحى براحته واشترى شعبه ليه دلوقتى بنظلم فيه ليه بنزود همه وتعبه تقريبا بننسى شال على أيده كفنه عشانه كان ممكن بسهولة يخونه ومبصش عمره لمصلحته كان حلمه إزاى بس يصونه تقريبا بننسى إنسان طيب عمره ما يخدع وأنتم كلامكم دايما يوجع شوفوا بلدنا كانت فين ليه عاوزين القهر ليه يرجع تقريبا بننسى مصر هتفضل غالية بناسها اللى بتبنى وبتأسسها مش راح أبدا نسمح مرة إن فى حد يهد أساسها تقريبا بينسى حب بلدنا وأخلص ليها كل دقيقة يعمر فيها وأنا براهنكم أنه هينجح بكرة نشوفها أما يعليها تقريبا بننسى جيشنا ده طول عمره بيحمينا وبيكبرنا وبيعلينا إزاى لحظة نفكر إنه ممكن مرة يبقى علينا تقريبا بننسى بطلوا ظلم وسيبو بلدكم تكبر ليكم ولأولادكم خافوا عليها وحافظوا عليها لسه العمر أهو قدامكم