القارئ محمد زكريا حبيشي يكتب: بصيص الفرح

أنا كنت بركب للسما مَركب وساعات بروح راكب لها أتوبيس و أنا المثقف .. اللي كان يكتب عن كل شئ حتي عن المتاعيس وانا كنت فاكر إني وحدي أبيس لكن لقتني فـ عين حبايبي إمعه و إبليس وانا لو بصيص الفرح كان بيتي كانت حقيقتي فـ قلبهم شيش بيش كنت البطل .. لكن بطل أراجوز مركون لمين بيعوز أو مرمي قلبي جوه قلب النيش خدني العشم وقتها بزيادة أو بشويش وبدأت اصدق للحبيب كرامات ولا حد مات من كتر جَلد الذات لكن دا طبع البشر هادي بطعم الطيش والدنيا ليه .. سيقاني بالتلطيش فيه جيش هموم ساكن جدار الروح ما ابقتش أبوح و لا حتي اوارب شيش ببكي لوحدي والهدوم تشهد مديون سعاده إنما للضحك يوم أشحت نتفوا بايديهم ليا كل الريش ولا تختشيش عينهم فـ طول اليوم و اللوم ف قلبي لوم يتيم محروم عارفين حقوقهم بس مش عارفين إن الحياه أركانها بين طرفين فيه معطيات أولاً واستنتاجات بعدين ما بقتش اجاوب أنا ماشي مع الماشيين أصبحت عَاله وغَبي جاهل من الجاهلين بسمع كلام ظُلمهم وأثبت و لا اتحرك أصبحت نَمله أنا تسّكر بأكل العيش و بترتضي برزقها و بترتضي بمفيش فما ليش مكان وسطكم ولا تشغلوش نفسكم على قلب لابس خيش ××××××××


الاكثر مشاهده

محامى سيدة أصابها زوجها بالإيدز: ما حدث هو قتل مع سبق الإصرار والترصد

تميم يعد شعبه بمشروعات وهمية.. أمير قطر يروج شائعات عن اكتشاف مشروع عملاق لزيادة إنتاج الغاز.. والدوحة تؤجل مع انهيار أسعار الغاز العالمية.. وبورصة قطر تواصل خسائرها الفادحة وو"الدوحة للتأمين" أكبر ال

احتجاجات طلابية تركية ضد قرارات أردوغان برفع أسعار الغاز والكهرباء

أحمد حسن: قرار إيقاف رئيس الزمالك غير قانوني و الاتحاد تعمد إيقاف "كهربا"

شاهد... لقطات جوية لمخيمات اللاجئين فى إدلب

مستشار وزيرة التضامن الإجتماعى: عرصنا على أسرة “سيدة الحمام" توفير مرافق

;