إوعى تفكر يا بنى وتضايق
سيبها يا عم إنت على الخالق
إرفع يدك لله فوق يعطيك
ربك هو الواهب هو الرازق
قم م الفجر اتوضى وصلى
وارم حمولك ع الله تملى
قلبك كده يصفى تعيش مرتاح
ولا تقول ده قال وما قال لى
بص لجدى م الفجر يصحى
شايل على كتفه المسحة
ماشى على ربه متوكل
يشقى و يعرق وكمان يسعى
عمره مايشكى من القلة
أو نقص حبة رز والغلة
دايما لسانه ذاكر شاكر
قلبه قوى ما يعرف الذلة
مصرى أصيل والله رواه النيل
ماشى بإيمانه يشق الليل
وإل يخون مرة وطنا ده
آه راح يشوف منه أشد الويل