جرحتينى مره وقولنا سماح
نسيت فرح قلبى وعمرى اللى راح
رجعت فى طريقى وكُلى جراح
كرامتى ياغاليه أهم من حياتك
واغلى من وجودك ونفسك وذاتك
راح انسى وجودك لحد يوم مماتك
اصالحك تخاصمى وتتقل علينا
زمان انتى كنتى النور اللى فى عينينا
افكر فيك يوماتى ودايما ناسينا
كفايه تعبت اغازلك واقولك
مانالنى الا بُعدك وهجرك وذُلك
ومين بعد حبى قوليلى فاضلك
هاسيبك لوحدك تعيشى فى غرورك
يمكن تلاقى فى هجرى سرورك
راح انسى طريق كان فيه مرورك
هاسيبك لوحدك تعيشى بخيالك
فى قسوه فؤادك ماشُفت فى مثالك
واتمنى هجرى يحقق امالك.