فى إحدى المولات الشهيرة المعروفة (بشياكة روادها).. ومع ازدياد برودة الشتاء تكون دورات المياه فى ازدحام مستمر ومن خلال حبى للنظام بسأل من وصل من قبلى كى أقف خلفه وبنتى الصغيرة معى اثناء انتظارنا الدور (مش قادرة ياماما استأذنيهم .... ميصحش يحبيبتى كلهم محتاجين يدخلوا هنخلص اهو اصبرى شويه ومع وصولنا للدور اخيرا بعد معاناه باب التواليت اتفتح ودخلت قبلى سيده عنوه وابنتها من دون استئذان ومع بدايه اعتراضى اذا بى اسمع صوت القفل الخاص بالباب ومن ورائه ( بنتى صغيره متستحملش) ومع غضبى الشديد انتظرت بالرغم عنى مفيش حل .. فتحت السيده وخرجت ابنتها الصغيره(يلا تعالى دى اختها وتدخل فتاه أخرى، وصوت رزع الباب مع القفل دون مراعاه لوجودنا يستشيطنى غضب وبعد وقت اخيرا خرجت اختها ودخلت سيده مسنه فى نفس اللحظه دون استئذان دى (مامتي ست كبيره معلش متستحملش ) كالعاده رزع الباب والقفل بسرعه يدل على احترافيه عاليه!! انفعلت على ابنتى (حلقى يبنتى على الباب لحسن هنلاقى الحاج داخل ميستحملش ) ومع ضغط ابنتى عليه وعدم تحملها الانتظار كدت انفجر غضبا خرجت الحاجة اخيرا .. ومع تلويحها ومناداتها لشخص اخر نفذنا خطتى مع ابنتى بتفوق ونجحت فى مغافلتها ودخولى مع ابنتى ورزعنا الباب والقفل بنجاح غير مسبوق ؛؛ ومنه سمعتها تصرخ من خلف الباب فى بعض السيدات طابور ياعالم، نظام يا ناااس ،انا مستحملش.