أنا شجرة واقفة هنا
من زمان وأنا
شاهدة على كل اللى بيجرى
بتفوت عليه فصول ومواسم
ما بين شتا وخريف وربيع باسم
وييجى عليه الصيف بحره وناره
والشمس فوق تحكى لى كل أسراره
وتجيب معاها عصافير الخير تونسنى
تبنى هنا عشها وتطير وترجع لى
لكن الخريف بيوصل ياخد أوراقى
يرميها ويا الريح وإيه بقى باقى
تهجرنى عصافيرى وتطير ماترجعشى
إلا معاك يا ربيع ياللى من تانى بتكسينى
وتزوقنى وبحلاوة روح تحيينى
واقفة مكانى وعايشة اليوم بيومه
يهز فيه الريح ويلعب بأغصانى
واضحك وأقول وأعيد ويا عصافيرى
ونغنى أحلى نشيد لربيعك يا بستانى