القارئ إبراهيم العطار يكتب: ساعة الصفر

صاحب ليَّا قالى إيه هيَّا ساعة الصفر فسْكت كده لثوانى وحسيت بشريط اللحظا دى بيتعاد تانى قدامي فحكيتلو أهم ساعه فحياتي إن اللحظه دى الدقيقه بيبقى ليها حسابات تانيه والدنيـا بتتشاف بطريقه غير الاولي والعقارب مش فى الساعه بس فى اللحظه دى عداد الدنيا بيتجمد ويا إما ترجعه تانى ويطلع بيك قدام يا يسيح ويبقى حطام وعلى راسك ساعتها أخطر مسئوليه فى ساعه الصفر الكلمه بتبقى محسوبه الثانيه بتبقى محسوبه من لحظة ما بتدخل جوا المعلب لو فكرت تنادى لزميلك وانت معلى صوتك ممكن اعدائك يسمعوا صوتك فتموت ويموت وكمان لو ناديتله وبصوت واطى ممكن مايسمعش صوتك فتيجى الرصاصه ف ضهره وتجيلك بعده فيفارق الحياه وانت وراه الغلطه منك مهما كانت مابتتشافشِ ولو مش هاتبان غير فى الميكرسكوب ممكن تتسبب ف خساره كل الى معاك وساعتها بيوت ممكن تتهد وبلاد هاتقع وطرق ومدن ساعة الصفـر بتكون واحد شايل على كتفك مِيت مليون واحد فالغلطه منك بالملايين قلبك ماينفعشِ يخاف لو خفـت هتتسبب فى عدْوه لكل الى فى ضهرك وعدوَّك لو حس انك خايف فاعتبر انك بتحارب من غير ما تكون شايف وعدوك بيعيش فى الضلما فماينفعش تكون شفاف ساعة الصفر لازم تبقى فى تعبك سد وعينك صبح وليل كشاف وخطواتك سته على سته نظرك بيلف وإيدك ثابته طلقاتك تنهيهم من أول ضغطه ساعة الصفر العقارب مش فى الساعه بس عقارب ساعتك الى بتلف لو ماتحركْتش ويَّاها هاتلف عليك كمان العقارب الى بتحاربهم لازم يدوقوا سُمّك ف وقته لايبقى مَنهى الصلاحيه ساعة الصفر هيَّا سر الخلطه هيَّا أنسب لحظه لتنفيذ الخطه كل حاجه محسوبه بالنقطه فى اللحظه دي لغة العين بين أبطالنا هيَّا الكلمه الإشاره بينهم هى الى تجاوب علامات الاستفهام ساعة الصفر محسوب فيها نور الشمس وعين الضل قولتله يابنى عمرنا ماخوفنا أو حتى غلِطنا وبننجح دايمًا لو عل خوف أو عل الموت فلِّى راحوا قبلى مش احسن مني طب عارف عمرك ما هتدخل حرب ومانتاش مؤمن بالقضيه واما تدخلها ساعتها مش هاتسيبها الا اما تكسبها ساعة الصفر مابتبقاش عارف هاترجع ولا لأ والضربه لو جاتلك عينك هاتفتَّح تانى ولا لأ كل الى بيشغل بالك هما حبايبك والى من دمك هايعملوا إيه من بعدك مابتبقاش خايف مل موت على قد مابتبقى خايف لزعلهم مابيفرقش معاك هاتعيش ولا هتموت على قد مابيفرق انك ترجع رافع تمامك وإيدك فوق أدينى يا سيدى حْكيتلك حاجه من ساعة الصفر فدعى للى زرعوا الصحرا بمايه حمرا وخلوها خضرا إدعى لرجالة ساعة الصفر