القارئ محمد عبدالله طاهر يكتب: كورونا

بقيت نمبر وان واسمك فى العالم يا عم تريند دوست على ضن ومحدش قادر معاك يسد كورونا يا جن بتموت فينا وملكش حل العالم مَل ورميته بإيدك جوه السجن طايح في الكل والخيط مننا قاعد بيكُر وطول م انت حُر مفيش من الموت يا كورونا مفر أمريكا إيطاليا إيران والصين فرنسا وأسبانيا والكل حزين أعداد الموتى دخلت فى ألوف وخسارة تقيلة تهد الحيل ناس بتموت من كتر الخوف وناس مش قادرة خلاص عالشيل جيت يا كورونا قلبت الكون ومليت العالم كله سجون حتى بيوتنا بقيت زنازين تعبنا خلاص ومش قادرين امتى تغور وييجى عليك الدور وتموت د انت طاغوت ومليت العالم كله ضغوط خطفت أرواح وغرقت العالم كله جراح منعت أفراح ومحدش بعدك بقى مرتاح حتة فيروس عيشنا شهور وليالى عجاف وهو لا ملموس ولا ليه وزن ولا متشاف ابن الفرطوس خلانا بقينا من بعض نخاف أصل إحنا ضعاف ويارب يأثر ده فى قدام ونعيش فى سلام ونعرف إن الحب أمان