ماشى وسايب جوايا قلبك كام ألف جرح
كنا حبايب من يوم ما قلبك سقانى فرح
ودلوقتى غايب وسايبلى حبك يخنقنى صح
القلب دايب وإحساسى سايب وغرقان فى بحر
شطه رموشى ونبعه عينى وموجه غدرك وقاعه سحر
سحرلى قلبى وقال لى حِبى وأنا صدقت
مكنتش اعرف المستخبى بس فوقت
بعد ما باعنى ووجعلى قلبى وخان الوعد
أنا مش بشتكيلكم أنا بس بحكى علشان أفيدكم لو حد حب
يخللى باله وميعملشى زيى وميسلمش قلبه لاى قلب
مفيش حب بيبدأ بنظرة ولا حب مضمون بجد
مراية الحب عامية وبتعكس فى عينينا شوكه ورد
صدقونى الحب لعنة لو حبينا أى حد
ومالوش اى معنى لو جوة قلوبنا الدنيا برد