ماتقارنش نفسك بحد أو تدى فرصة لحد يقارنك أو يدخلك فى مقارنة مع غيرك لأن ده بيفتح باب الحسد والحقد بين الناس، وتفضل تقارن نفسك بغيرك في كل حاجة، عايش إزاى وبيشتغل إيه وبيروح فين وبيعمل إيه ومعاه كام؟، وتقارن بين مميزاته ومميزاتك وعيوبه وعيوبك وفي الآخر هتكره نفسك وتكره حياتك كلها وهتفتح باب القنوت.
على كل حاجة عندك ومش هتحس بأى حلو فى حياتك هتشوف بس الحلو اللى عند غيرك.
دايما اللي بيقارن نفسه بغيره بيكون عنده نقص وعدم قناعة ورضا بعيشته وحاله، ولو ربنا رزقه بأى خير مش بيحس بيه أو بقيمته وأهميته ويبص للي عند غيره بس، وبيبقى عايز يعيش حياة تانية غير حياته اللى كرهها من مقارنته بغيره
ارضا بكل حاجة ربنا ادهالك علشان تحس بطعم الدنيا ده الرضا هو مصدر السعادة.
وماتسمحش للي حواليك يدخلوك في مقارنه سواء إيجابية أو سلبية مع غيرك، خليك مقتنع إن ربنا رزقك بمميزات كتير ممكن ماتكونش عند ناس تانية، كل ما هتحس بقيمة نفسك هتعرف تعيش، ابحث عن عيوبك وصلحها وابحث عن مميزاتك وزودها أنت مختلف عن غيرك مش لازم تكون نسخة منه، خليك واثق من نفسك ومن قدراتك انت تقدر تعمل اي حاجة انت عايزها بس ما تقارنش نفسك بحد.