وائل عبد الودود حسين يكتب: قرب جرب

قرب جرب التجربة مش بتخس قرب جرب ولا تخاف وتهرب وإن فشلت لا تتحسر حاول تانى يمكن تضرب حلمك يجرى عليك ويقرب خلى إرادتك هى سلاحك خلى الصبر صديق كفاحك خليك واثق كمان فى نفسك اخرج بره اسوار يأسك ومهما جرى ومهما حصل أكيد هتلاقى فى يوم نفسك أوعى تسلم لكلام الناس ياما قالوا وجرحوا الاحساس وكان كلامهم من غير أساس خلى طموحك ساكن فى روحك ولا تعيش كتير فى جروحك بس أنت قرب وجرب التجربة تكسب مش بتخسر