محمود عابد يكتب: آخر مكالمة

كلها كام ساعة وهتلاقينى واقف على بابك سلام يا أمى حبيبتى دى ماما بتطمن علينا طول عمرها شايله همى يلا بقى معاد رحلتنا خلاص والطيارة بتقولك اوعى تستنى ركبت الطيارة وانا باحلم..بأهلى وأحبابى..أصحابى وجيرانى طارت فى الجو وطارت معاها أحلامى وذكرياتى ياااااه امتى أوصل عندى حاجات كتيييير نفسى أعملها ولاحت فى خيالى صورة معرفتش معناها ايه الصورة فيها ايد ممدودة بتنادى ودمعة نازلة معرفتش سببها ايه لكن كان كل شىء اتضح وأصبحت فى خبر كان كان نفسى ارجع بلدى واعيش زى زمان كان نفسى احضن ابنى كان حضنى ليه هو الأمان ماتزعليش يا أمى كان نفسى أرجع وأبوس على ايدك وأصوم وياكى رمضان ونحتفل بالعيد واللمة كانت وحشانى يااه كنت جايب معايا لبس جديد والايد اللى شوفتها هى ايدى بتمسح كل دمعة شايفها فى عنيكى متزعليش يا امى كان نفسى المكالمة تطول قبل ماقولك سلام يا أمى