ياجاىّ م الصحرا----هات لى معاك بقرة
أربطها فى الشجرة----تفرح منى وحنان
*****
أرميلها برسيمى----تشرب وتروينى
ترعى فدادينى -----وتصحصح الوِلدان
****
أو غصن زيتونى---يكبر ويحيينى
مش دمعة بعيونى-----بتفجّر البركان
*****
إيّاك من الصبار-----شوكُه وقلبة مرار
جايب معاه إعصار----ولكل أم خان
****
هات لى معاك بسمة--ع الوش مرتسمة
والحب والرحمة----عز الوطن فرسان
****
ما كفاية حزن وهمّ---لون السواد والدم
واليُتم زاد الغمّ--------فى عالم التوهان
****
هات لى معاك حواديت--بتلّمنا فى البيت
ياما قصص خبّيت----يرحم ليالى زمان
*****
بغداد تعود تانى------ودمشق ما تعانى
صنعاء ياوحشانى--—وسرت مع لبنان