كونى قلقانة يابلدنا حيجيلك نهار
نومة الأمان يابلدنا ماتعمرش دار
راح نبنى مصانع ونخضّر مزارع
واللى راح يرجع وحياتك أحلام اللى كان
بعد الكد بتحلا القعدة فى ضلال الزيتون
والنسمة ندية تخلى التعب يهون
من صوت الرصاصة من قلب الغواصة
تتقل بالغلة مزارعنا ويفرح العرسان
خلى عين تنام والتانية تستنى الصباح
ايد تبنى والتانية تحضن السلاح
نفسى مكنتش اعرف عمرى لا صاروخ ولا دبابة
لكن بس ازاى والدنيا مالياها الديابة ؟!
كنت اقضى حياتى اغزلك ليلاتى صبرك فرحة
وشمسك طرحة تنور الزمان
ياللى شمسك ضلة وجمالك يحمية الله
حته م الجنة يابلدنا وجنودك رضوان
مصر يا وعدى مصر يا سعدى ياحضن الحنان
شدة وبعون الله حتعدى وتعيشى يارب فى أمن وأمان