بالصور.. كسر ماسورة مياه يغرق محيط عمارات البنك بالمحلة الكبرى

يعانى أهالى عمارات البنك بمنشية مبارك، بمدينة المحلة الكبرى، فى محافظة الغربية، من كسر فى ماسورة مياه الشرب، منذ أكثر من 3 أشهر، ما أدى لتكون بركة مياه حول العمارات. وطالب القارئ محمد على، أحد سكان عمارات البنك، المسئولين بمجلس مدينة المحلة الكبرى بحل المشكلة، قائلاً: "المنظر ده فى منشية مبارك وهو عبارة عن ماسورة مياه حلوة مش صرف صحى، بقالها زيادة عن 3 شهور مكسورة وبلغنا أكتر من مرة مجلس المدينة وشبكة المياه والصرف الصحى ولا حياة لمن تنادى". وأضاف: "كل اللى ربنا قدرهم على فعله إنهم جم فتحوا الصرف اللى جنب الماسورة علشان المياه تنزل فيه، لحد ما الصرف أتسد هو كمان والأرض زى ما حضراتكم شايفين من كتر المياه بقت خضرا من كتر الحشائش وتراكم الزبالة يعنى حشرات وبلاوى". شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.