أكد كريم حسين أدمن صفحة "أنا آسف يا ريس" عبر موقع التواصل الاجتماعى "فيس بوك"، صحة التسجيل الصوتى الأخير المنسوب للرئيس الأسبق محمد حسنى مبارك.
وقال حسين عبر حسابه على "فيس بوك" : " التسجيل ده حقيقى 100%، والمكالمة لا تتعدى الدقيقة ونص أو دقيقتين، والرئيس مبارك مكنش يعرف أنه بيتسجله ودى قلة أمانة وقلة ثقة وقلة أدب أنك تكلم حد أصلًا وتسجله وتسرب المكالمة للصحف بدون أذنه وبدون علمه علشان تحقق مكسب صحفى أو مكسب مادى".
وأكد أن مبارك بعدما عرف أن من يتحدث معه هو صحفى بأحد الجرائد، قام بتغيير أسلوبه فى الحديث 180 درجة، ولم يعطه أى معلومات مفيدة، قائلًا : " بالبلدى كدة وداه النيل قدام مستشفى المعادى ورجعه عطشان".
وأضاف : "أما بالنسبة لسؤال -هو أى حد يقدر بسهولة كدة يوصل للرئيس مبارك ويكلمه، الاجابة لا طبعاً فى طقم حراسة وسكرتارية وجاى فين وعايز مين وهكذا، بس القصة و الموضوع هنا أن الصحفى ده وصل للرقم الشخصى الخاص بالرئيس مبارك، اللى بيكلم بيه أسرته وأقاربه وأصحابه.. ومبيعديش لا على سكرتارية ولا حراسة هو ده اللى حصل مع الرئيس مبارك بالظبط".