وقت الشدة بيبانلك ... مين ساعدك و مين جاملك
مين حبك وكان جنبك .... ومين عمره ما استاهلك
نفوس كتيرة بتستكبر .....قلوبها عاشقة للمظهر
أصحابها بتحب تتصور .... وتظهر فى الصورة مش أكتر
ونفوس ضميرها متحير .... عمره ما فكر يتغير
تعبانة أوى فى حياتها .......من حب حجمه بقى صغير
ناس بيننا بقيت تقدر تعيش .... من غير نبات أخضر
وناس كل يوم تسهر .......... حوالين جفونها لون أسمر
ناس من الدنيا تستأذن ......... من غير ما تدى ضوء أصفر
وناس أحوالها بتحزن ............ كل أحلامها فى المظهر
ناس طبيعتها تستكبر ..........مع أن الشكل مش منظر
وناس فى عنينا يا ناس تكبر........... جمال فى الشكل والجوهر