وائل عبد الودود حسين يكتب: لو راح الوطن

لو راح الوطن ما راح تلاقى سكن تقف عجلة الزمن وما عاد لأهله ثمن لو راح الوطن تغيب الحياة والروح تعيش الحياة ميت بقلب مذبوح تبكى على اللى فات من الذكريات تنطق العيون بالدموع والآهات تدور على نفسك فى سكة تمشى فيها ولو مشيت ألف سكة ما راح تلاقيها لو راح الوطن مش هتلاقى لروحك كيان تعيش ذليل فى كل مكان وما راح تلاقى الأمان الوطن عزيز على النفس حبه مولود بالفطرة لا يعرف قيمته ولا يحس إلا اللى ذاق الغربة الوطن زى الشمس لما تمد خيوط النور للى يحبها تنور طريقه وحلمه يبقى حلمها ما راح يلاقى حضن يدفى زى حضنها لو تاه فى الطريق ترجعه لسكته بضيها وما راح يلاقى السكن إلا فى قلبها