يا كبير اخواتك يا ابنى يا واقف على الحدود
اختك بتقولك سلم لها على خطيبها محمود
امك بتقول من صغرك بتحب ريحة البارود
ولما كان ييجى العيد كان لبسك زى الجنود
جدك ريحته بتعطر أرض سينا كعطر العود
امك بتقولك شد حيلك مصرنا مش للسجود
أنا وهبتك لمصرنا وبأجهز لها آخر العنقود
ابنك كاتب على كراسته اسمك مع الصمود
بيقول بحب مصر يابا زى حبك يا ابو الجود
يابا خد بتار زمايلك وأنت بحب ربنا مسنود
نفسى أكبر يابا وأشيل بندقية جدى مسعود
أنا كتبت على كراريسى إما النصر الموعود
أو الشهادة وطريق النصر أبدا مش مسدود
مهما حصل فى رفحنا أنا عارف إنكم الأسود
شهداءنا فى الجنة وهمه على نار ذات وقود
حق الشهيد قتلهم والإرهاب بكم ماله وجود
رد عليه أبوه وقاله على دمنا تطرح الورود
أرواحنا لمصرنا فداها عهد من اقدم العهود
النصر بأرواحنا هدفنا وبمصرنا خير الجنود