اسمى صبح لاجئ
وعليا مش لايق
عزيز وابن كرام
فى الحرب والله حرام
ضاعت كل الحقايق
دمعى قدرت عليه
راجل أنا أخبيه
لكن دموع ولدى!
سألنى فين الدار؟!
ماعرفت أرد عليه
فى حضنى نام ياصغير
واحلم ..
احلم..
احلم كتير....
يمكن فى يوم أقولك
تصبح ياولدى بخير .
إسمى صبح لاجيء
و عليا مش لايق .
أحكى و مين يسمع
واللى ادفن يرجع
بنتى وأبويا وخال
وعمى زينة الرجال
فقد الأهل يوجع .
إسمى صبح لاجئ
و عليا مش لايق .
للحى أنا حنيت
واللمة جوه البيت
إمتى أعود و إزاى ؟!!!!
وأنا للحدود عديت .
عنوانى صار معروف
مخيم الأحرار .
وكل شيء عنى
فى نشرة الأخبار .
اسمى صبح لاجئ
وعليا مش لايق .