أعرب الفنان هشام سليم، عن استياءه من الإدارة الحالية التى ينتهجها مجلس إدارة النادى الأهلى برئاسة الكابتن محمود الخطيب، قائلا " لا يمكن أزعل جمهور النادى الأهلى ولا أزعل من الجمهور، لكن أنا بقول رأى أبويا بصراحة، فى إن الخطيب معندهوش خبرة كافية وممسكش حاجة قبل كده ونجح فيها، وأظن الأيام وضحت ده!".
وقال سليم، خلال حواره مع الفنان شريف منير وابنته أسما، ببرنامج "أنا وبنتى" المذاع عبر قناة ON E، إنه يعترض على الكابتن محمود الخطيب إداريا فى قيادة النادى الأهلى، وتابع فى حديثه عن "بيبو": "الخطيب قال أنا شربت من الكابتن صالح سليم، وإن مفيش حاجة فى الأهلى بتتعملى غير لما كان بيجي ويقولى ايه رأيك يا خطيب، وإنه قعد جنبه فى الطيارة 14 ساعة لما كانوا رايحين جنوب إفريقيا يتكلموا عن أمور النادى الأهلى، وده محصلش".
وتابع هشام سليم: "أنا اتقالى من الكابتن صالح سليم إن محمود الخطيب غير واضح"، مشيرا إلى أنه لا يذهب إلى النادى الأهلى ولا يريد الذهاب إليه فى ظل وجود الإدارة الحالية، مستكملا "أنا شايف إن والدى مكنش هيبقى مبسوط من اللى حصل، والأهلى مكنش فى الفترة اللى فاتت الفريق اللى أنا أعرفه".
وأشار إلى أنه والدة الكابتن الراحل صالح سليم، كان عاشقًا للنادى الأهلى لذلك كان يتواجد به حتى قيادته للكيان الأحمر، مردفا "أبويا ضيع مستقبله كله فى الكورة واعتزل عنده 37 سنة، على الرغم منه إنه كان نفسه يطلع مهندس".