عرضت فضائية "إكسترا نيوز" تقرير "انفراد" حول شقيق الهارب عماد البحيرى مذيع قنوات الإخوان، والذى تبرأ منه بسبب عدائه للدولة المصرية، وإدعاءاته الكاذبة ضد مؤسساتها.
وقال ناصر أبو طلعت البحيرى، شقيق الإرهابى الهارب خارج مصر عماد البحيرى،: " إن عناصر الإخوان الهاربة خارج الوطن وشقيقى يعيشون فى ميغة وملهمش دعوة باللى بيحصل فى مصر، وكل دورهم إنهم بياخدوا فلوس ويتقال لهم اشتموا فى ده وفى ده، وأنا ضد اللى بيعمله أخويا 380 درجة".
وأضاف، أن شقيقه يحب الظهور على التلفزيون وكان من أعضاء الحزب الوطنى المنحل، وقال: "أنا راجل حالتى الماجدية غير ميسورة وجالى مرض فيرس سى والدولة عالجتنى ببلاش، ولسه واخد جرعة بـ 11 ألف جنيه مدفعتش منهم مليم، ومعايا كارت فيزا بناخد 500 جنيه فى الشهر، وبناخد العيش ببلاش والشاى والسكر ببلاش، عايزين إيه تاني من البلد احنا فى نعمة، وليه نقول عليها وحشة، عشان كده أنا ضده شكلا وموضوعا".
واستكمل حديثه: "عايز أقوله راجع نفسك هما بيدوهم فلوس هناك وبيقوللهم اشتموا فى مصر، وهو عمره ما كان ليه فى الجماعة هو بس عشان يطلع فى التليفزيون والناس تشوفه، كلنا هنا ناس بسطاء وإحنا أساسا ناصريين وبنحب عبد الناصر".
واختتم حديثه، قائلا: "أنا مسحت القناة اللى بيطلع عليها دى من عندى على التليفزيون ومتبرى منه، ديه بلدنا وأرضنا وكلنا فدا البلد ديه".