قال الفنان كريم عبد العزيز، خلال لقائه ببرنامج صاحبة السعادة مع الفنانة إسعاد يونس: علاء ولى الدين قابلته لأول مرة أنا اشتغلت مع علاء وأنا مساعد مخرج اسمه حلق حوش كان إخراج أبويا، علاقتى بعلاء ابتديت ورا الكاميرا، وكانوا بيظهروا أن هنيدى بيتصدر كنجم سينما وعلاء بعده، واتقابلنا فى عبود على الحدود.
وأضاف: حبيت علاء حب غير طبيعى وهو حبنى جدًا، كان علامة حلوة فى حياتى، آخر تليفونى طلبوا علاء كان أنا بعد صلاة العيد وفضلت والدته شايلة التليفون واتفركشنا بعد وفاته، اشتغلت مسرح مرة وحيدة، فى حكيم عيون، مرة مريم نوح كان داخلة المسرح وأنا واقف على المسرح والمفروض حلمى يجى ما جاش فمش عارف اعمل ايه والمخرج قالى أملا فقولت فين أخويا وسبت المسرح ورحت خارج، المسرح فعلا أبو الفنون.
وتابع: أنا محظوظ إنى ابتديت حياتى مع عمالقة الأستاذة سميرة أحمد وإسماعيل عبد الحافظ وعادل إمام وسناء يونس وأساتذة كبار، وده غير إنى من أسرة فنية، ما أعرفش حاجة غير السينما ما أعرفش أعمل مشروع، بخلص شغلى وأروح.